CANGAS DEL NARCEA: Presentación ya repartu del calandariu de la güerta d’Asturias
El Serviciu de Normalización L.lingüística de Cangas presentóu estos días el sou calandariu de la güerta d’Asturias, material que forma parte d’una campaña más amplia destinada al sector ganadeiru ya agrícola de la zona ya que se feixo ente medias col Serviciu de Normalización L.lingüística de L.lena ya’l de Llaviana.
El calandariu vei chegar por corréu postal a cadaguna de las casas de la zona rur…al canguesa, acompañáu d’una carta firmada pol Alcalde ya la Conceyala de Cultura del Conceyu felicitando las fiestas ya recalcando’l sou apoyu a los sectores arriba mencionaos.
Los vecinos de la zona urbana podrán pasar a recoyelu a partir del día 23 del mes muertu pola Casa la Cultura Palaciu d’Oumaña.
Amás, a partir de xineiru repartiráse’l material en centros docentes.
Con esta campaña los SNLs pretenden homenaxear ya afianzar el sou compromisu cono entornu rural, memoria encesa de la tradición ya garante d’un futuru sostenible.
