CANGAS DEL NARCEA,. XI Sumana de las L.letras asturianas

        Ente’l 19 de mayu ya’l 1 de xunu de 2019, Cangas celebra la súa XI Sumana de las L.letras Asturianas.

        Pa la celebración d’estiañu, ofrécense muitas actividades diferientes, todas, eso sí, pensadas pa satisfacer las demandas d’un espectru ampliu de la población.

Abre la sumana una exposición interactiva de tipu infantil: El llibru de les vocales, cedida pa la ocasión pola Oficina de Normalización Llingüística de Xixón.

Esta exposición poderá visitase na Casa la Cultura “Palaciu d’Oumaña” a partir del día 20 de mayu ya hasta’l 3 de xunu. No propiu espaciu expositivu, haberá, amás, un sitiu habilitáu pa intercambiu de productos de tipu cultural…

El martes, pola súa parte, celébrase la V Xunta d’escolinas ya escolinos de Cangas,  nuna xornada onde tolos centros educativos públicos del conceyu poderán disfrutar d’una obra de teatru, El viaxe de Covaletti, d’Higiénico Papel Teatro; amás, de la entrega de premios del XI Concursu de cuentos pa nenas ya nenos de Cangas “Otilio Álvarez Rodríguez”, interpretaciones feitas polas nenas ya nenos de cantares asturianos infantiles ya la visita de las exposiciones.

El miércoles será’l turnu de las rapazas ya rapaces del IES, que disfrutarán d’una charla-taller de cine, a cargu de Pablo A. Quiroga Prendes,  licenciáu en Dirección de Cine ya Producción TV, propietariu d’Algamar Producciones ya miembru fundador de l’Academia de Cine Asturianu.

El xueves, l’actividá desplazaráse a La Refierta, onde disfrutaremos del post-folk d’unu de los grupos asturianos del momentu, L-R, nun afán d’aveirar la programación cultural a la ciudadanía ya poner l’asturianu na cal.le.

El vienres, tomará’l testigu la Banda de gaitas Cangas del Narcea, qu’organiza una muestra de folclore con intervenciones pequenas ya variadas onde disfrutar de teatru cono Grupo de Teatro “El Carmen”, qu’interpretará la obra ¡Ay, Antón, que el gallo ya no canta!; de tonada, de monólogos d’El Ruxidor, de baiḷḷes con El Perendengue ya de música, en xeneral, cono grupu de folk Slum Suit, que presenta’l sou discu nuevu: “Ida y vuelta” ya la propia Banda de gaitas Cangas del Narcea.

El sábadu, el patiu de la Casa Conceyu recibirá una entrega nueva del III Entama la nueite, onde chenaremos Cangas de música, baiḷḷe ya gayola.

P’acabar la fiesta de la nuesa ḷḷingua, el sábadu 1 de xunu, na escuela d’Araniegu, visionaráse cine asturianu.

 

La conceyala de Cultura, Carmen Riesco, asegura qu’esti tipu de programas son fundamentales a la hora d’identificar, dignificar ya promocionar el nuesu patrimoniu inmaterial más importante, la l.lingua asturiana, pa lo que yá imprescindible reconecer ya reinvindicar el nuesu arraigu cultural.

 

.Comparte en tus redes sociales
Share on Facebook
Facebook
Tweet about this on Twitter
Twitter
Share on LinkedIn
Linkedin
Pin on Pinterest
Pinterest
Share on Tumblr
Tumblr

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.