CANGAS DEL NARCEA.- Inauguración UABRA
Nota remitida:
“INAUGURACIÓN UABRA 2019
Inauguróuse oficialmente la edición última de la Universidá Asturiana de Branu. Nel actu inaugural tuvienon presentes las autoridades siguientes: Berta Piñán, conseyera de Cultura, Pol. Lingüística ya Turismu; Laura Álvarez, primera teniente d’alcalde; José María Álvarez Carro, conceyal de Cultura; Francisco José Borge López, vicerrector d’Extensión Universitaria ya Proxección Internacional de la Universidá d’Uvieo ya Xosé Ramón Iglesias Cueva, secretariu de l’Academia de la Llingua Asturiana.
Reseñable foi, sobre todo, la presencia de la recién nomada conseyera, qu’ofrecíu un discursu esperanzador ya ilusionante. Igualmente, la primera teniente d’alcalde, Laura Álvarez, destacóu no sou discursu’l valir del patrimoniu ya la necesidá de reivindicar el nuesu arraigu cultural ya la nuesa ḷḷingua cumo drechu civil.
Nesta edición de 2019, la UABRA vendrá acompañada, cumo siempre, de muitas actividades complementarias, ente outras, charlas sobre l’osu, la televisión pública d’Asturias ou la política de defensa d’Europa tolos martes ya xueves a las 19:00 horas na Escuela Hogar ya conciertos no Teatru Toreno tolos miércoles, a las 22:30 horas. Esti miércoles disfrutaremos de l’actuación de L-R ya’l que vien d’A Comuna del Barruzo. Dende la organización, animan a tola ciudadanía canguesa a disfrutar de las oportunidades culturales qu’ofrez la UABRA”.
