CANGAS DEL NARCEA.- Día de la ḷḷingua materna

         La Conceyalía de Cultura del Conceyu Cangas, al traviés del Serviciu de Normalización Ḷḷingüística, prepara una serie d’actos pa la sumana qu’entra, cono obxectu de conmemorar el Día Internacional de la Ḷḷingua Materna, que se celebra en tol mundu’l 21 de febreiru.

Los actos conmemorativos celebraránse durante los días 19 ya 20 de febreiru.

El primeiru de los días cola presentación d’una campaña de tresmisión ḷḷingüística a traviés del xuegu na escuela de 0 a 3 “Los Gigantinos”. Esta campaña consta de dous packs de materiales, unu del monte ya outru de la casería, qu’inclúin una alfombra-puzzle de Goma EVA con siluetas d’animales del monte ya la casería ya fichas de maderas de Banova colas ilustraciones d’estos mesmos animales p’asociar unas ya outras. La campaña ta deseñada pola empresa gráfica Signum, que recibíu’l premiu internacional Latampack pol deseñu d’esta mesma campaña.

El segundu de los días, en colaboración cona Dirección Xeneral de Planificación Llingüística y Normalización, representaráse Hansel y Gretel no Teatru Toreno pal alumnáu de Primaria de los centros educativos cangueses ya’l propiu alumnáu ḷḷerá un  manifiestu relacionáu cona importancia de la tresmisión de la ḷḷingua materna.

Estas xornadas nun son las únicas qu’implican al alumnáu cangués, protagonista tamién del concursu autonómicu El miou cantar, onde’l CRA Cibea resultóu escoyíu representante del conceyu Cangas cono cantar Muitas cousas, que presentaremos nas redes ya a los medios el 21 de febreiru, pa conmemorar esta fecha tan significativa.

La conceyala del aria, Carmen Riesco, incide na importancia de tresmitir la nuesa ḷḷingua a las nenas ya nenos de Cangas, porque al traviés d’eḷḷa ofrecémos-ys una visión del mundu diferiente ya al tiempu complementaria qu’arriquez ya suma no mundu diversu ya ricu al que pertenecemos.

.Comparte en tus redes sociales
Share on Facebook
Facebook
Tweet about this on Twitter
Twitter
Share on LinkedIn
Linkedin
Pin on Pinterest
Pinterest
Share on Tumblr
Tumblr

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.