CANGAS DEL NARCEA.- Homenaje a “Pepe el maestro” en Besullo
Esti sábadu que vien, 26 de setiembre, vei celebrase en Bisuyu’l III Alcuentru d’Escritores n’Asturianu occidental. Una xornada pa repasar la creación l.literaria na nuesa l.lingua que se vien fiendo nos cabeiros 50 anos. Nesta xornada vei incluise tamién un homenaxe a Pepe Rodríguez de Llano, «Pepe’l maestru» o «Pepe el de Bisuyu», de casa Herminia, en reconocimientu al sou trabayu na recuperación ya difusión de la nuesa l.lingua dende l’escuela. Una xornada bien guapa a la que vos animamos a sumavos.
