CANGAS DEL NARCEA,- Actividades del Serviciu de Normalización Lḷingüística durante la Sumana de las Lḷetras Asturianas
Paralelamente a los actos programaos, el Serviciu de Normalización Ḷḷingüística plantea dúas actividades nas qu’anima a participar a la sociedá canguesa pa la VIII Sumana de las L.letras Asturianas, que se celebrará en Cangas ente’l 23 ya’l 27 de mayu.
Las actividades programadas son dúas:
- CITA A CIEGAS CON UN ḶḶIBRU: durante la celebración de la nuesa sumana, vamos destinar una de las salas d’exposiciones de la Casa la Cultura “Palaciu d’Oumaña” a esta campaña; pa faelo, vamos embalar con papel d’estraza una serie de ḷḷibros ya ofrece-ys una cita a ciegas a los amantes de la literatura. Consideramos esta una bona campaña pa incentivar la lectura ayena al prexuiciu preconcebíu.
- PISANDO SOBRE LOS NUESOS RAIZONES LITERARIOS: esta yá una campaña na que se trataría de que cada alumna/u, cursu, nivel ou centru educativu propuxera una frase d’una obra de la literatura asturiana que-y preste, el Conceyu Cangas escoiría díaz d’esas frases ya los propios proponentes serían los encargaos d’inmortalizar nos pasos de cebras las súas frases mediante pinturas ya moldes encargaos pol Serviciu de Normalización Ḷḷingüística a la imprenta. La fecha tope pa facenos chegar las propuestas yía’l 16 de mayu.
