CANGAS DEL NARCEA.- Actu homenaxe a Benita’i Xuacu de Vidal
Nota de prensa emitida por el Ayuntamiento cangués:
“Ayer, el Conceyu Cangas homenaxeóu a Benita’i Xuacu, de Vidal, representante importantísima de la nuesa l.lingua ya cultura.
Por motivos d’axenda, dao que l’actu programáu d’homenaxe a Benita’i Xuacu, de Vidal, coincidía con un actu del mesmu tipu del programa de la cadena 4 presentáu por Jesús Calleja, “Volando voy”, tresladánonse los actos institucionales a la mañena de güei, aprovechando la grabación del susodichu programa na Casa Conceyu de Cangas del Narcea.
La conceyala de Cultura, Carmen Riesco Combarro, ya l’alcalde del Conceyu Cangas, José Víctor Rodríguez Fernández, fonon los encargaos de faer entrega a Benita d’una placa homenaxe ya d’un ramu de flores. Durante la entrega, los dous reseñanon el valor que pa la nuesa identidá cumo pueblu tienen personalidades cumo la de Benita, hariede de la nuesa tradición ya símbolu de la nuesa l.lingua ya cultura.
L’equipu de gobiernu cangués siente los cambios de programación, asina cumo los problemas de loxística, ya espera poder ampliar más alantre los actos d’homenaxe a Benita, valedora de la nuesa l.lingua ya cultura. Igualmente, al.légrase muito de que se la reconoza cumo mere a nivel nacional, polo que felicita a Benita ya a la súa familia”.
